عبدالله
عضو جديد
عدد المساهمات : 30
نقاط : 57012
تاريخ التسجيل : 27/04/2009
 |  موضوع: افتراضي شعر لحمد السعيد  الثلاثاء أبريل 28, 2009 6:21 pm | |
| السلام عليكم ورحمة الله وبركاته
يالطلح مامرك مع الصبح صافـي طيرٍ غدا لي امس والشمس حيه
اتلى العهد به راح يطرد مقافـي خبري به اوما في جناحه هنيـه
رد الــــطـــــلـــــح
لاوالله الا مرنـا العصـر وافـي كنـه غـلامٍ مستغيـر بهـيـه
اقبل علينا ثـم اخـذ بانحرافـي يوم الحباري وقعـن لـه سويـه
قــــــــــــــــال الــــشــــاعـــــر
يالطلح قل لي عل مابـه خلافـي البارحـه بـرد وشمـالٍ قويـه
كانه تعشى قلـت علـه عوافـي والحي يجمعه الولي مـع خويـه
ورد الــــطـــــلـــــح
لاوالله الا صـاد خـرب متعافـي واخذ عليه من الثنـادي شويـه
لامفلـسٍ مـره ولاقـال كافـي يوم اخلفنه عن عشـاه أعقبيـة
قــــــــــــــــال الــــشــــاعـــــر
خابـره والله قاطـعٍ مايخـافـي دايم على الصيده تجي له حميـه
انشدك باللي منبتـك بالسوافـي عساه فـي خيـرٍ ولافيـه سيـه
رد الــــطـــــلـــــح
خبري به اقرش في سبوقه خلافي مابه بلا وامرح على هالحصيـه
والفجر شخّص بالنواظر وشافـي طلعـه بعيـد ويمتـه ساحلـيـه
قــــــــــــــــال الــــشــــاعـــــر
يالطلح ذا حبـه ولاهـو بخافـي متعـادلٍ حبـه بحـب البنـيـه
بعض الطيور ان راح قلنا عوافي لاشك هـذا ويـن ابلقـى حليـه
رد الــــطـــــلـــــح
اتعب عليه وعادت الحـر يافـي اضرب سهلها والوعر والشقيـه
يجيبـه اللـي رازقٍ هالعجافـي بهايمٍ تمشـي علـى غيـر نيـه
قــــــــــــــــال الــــشــــاعـــــر
يالطلح لك مني يابو غصن ضافي لاجابـه الله وكـل نيـه مطيـه
لاجيك انا في موتر القش هافـي واسقيك هاللـي باقـي بتانكيـه
وآطا على رملة سوافيـك حافـي وكلٍ على ماقيـل يذكـر خويـه
منقووووووووووووووووووووووووووووووووووووووووووووووو ووووووووووووول | |
|
